Ersti Wuche Reise

Abschluss & erst bitz vor Reis

Midwuch abe heimr e geniale Abschluss gha, äui vor Klass u extrem viu vor Schu u schüsch so si dert gsi. D’prüefig isch einigermasse gloffe, i gloub i ha nume ds schribe zimli abverhoue u dr räscht isch guet gange… Am abe simer zersch no mitem Steve (üsem Lehrer) gä ässe ines Singapourischs Restaurant, äs isch mega fein gsi u e schöni glägeheit no mau tschüss ds säge. Mir hei ihn schliesslech übr 2 odr 3 mönet praktisch jedä tag gseh… Nachhär isches witer gange zum Tonic (em nöie Ceilis) dr Eric het dert eine vo de Upper Floors reserviert (är het da connections zum Management) so das mer chli für üs hei chönne si u es si nume die ufe cho wo es speziells Ticket hei gha. Mir hei e supergeniale letschte abe gha. Tschüss säge isch nie eifach abr äs geit leichtr wede bsoffe bisch… U mir Schwizer hei üs aui versproche das me sech ir Schwiz widr gseht…

Donnsti isch när usschlafe u übere hangover cho agseit gsi… Sobaud i ds düre ha gha ischs ads packe gange… Isch irgendwie komisch gsi ds gfüehl, hami extrem deheime gfüehlt bir Vida u bim Joeck.

Friti morge isch mi ds Meli um di haubi 5i mitem Outo cho abhole u mir si On The Road gsi. Isch weird gsi um die Zit u i dere Dunkuheit dür Vancouver ds fahre… Üse erscht Stopp u Wächsu isch imene Cafe/Diner whatever gsi… Huere feins z’morge heimr emu serviert becho… Vo derte a hets eigentlech nume no fahre u WC stopps gä… Äs isch no e schöne Tag worde u rächt heiss mit dr Zit. Mir hei viu Construction Zones gha ufem wäg so öpe au 50 odr 100 km minimum eini…Gäge abe heir üs entschide (nachdäm mr übr 1000 km gfahre si!) imene Provincial Park ds übernachte. Dr nächst Tag het ds gliche Muster gha wie dr Friti. Fahre, WC, fahre, ässe fahre, WC, fahre etc. Wobi üs ds Meli einisch fasch no i Grabe gsetzt hät… Si het wöuä trinke u het d’Hand am Länkrad mitzoge… Churzi Härzinfarkt gfahr abr mir heis übrläbt ;-) Schlussändlech simer de in Prince Rupert am Fähriterminal acho. Abr irgendwie hei dir keni würkleche Schiudr u grad gar nüt a Infos ufghänkt gha… Vo däm här simer äs wili nid sicher gsi öb mer überhoupt richtig si. U das mer scho am 4i dert si gsi u ersch uf di 7ni hätte dert müesse si het ou nid grad zur überzügig bitreit… Eh, äs het sech de usegsteut das mer richtig si gsi u mir hei dür d’Gränzkontrolle u uf d’Fähri chönne…

Ferry

Uf dr Fähri heimr de zersch mau nachemne Platz zum schlafe gsuecht. Mir hei zwöi Müglechkeite gha: Im Solarium uf Ligestüehl odr i dr Ussichts Kabine am ändi vom schiff. Äs isch de d’Kabine worde. Mir schlafe mit de Mätteli am bode zwüsche Sitzreihe u Wand abr mit hei definitiv di grössti Kabine vo äune hie ufem Schiff ;-) (u mir hei no usegfunde dases im Solarium ichelaht wes rägnet). D’Tage göi verbi mit läse, Laptop spieli u ab und an e Wal sichtig… Nid sonderlech interessant abr entspannend. Chöi mer sicher bruche bevor mer richtig uf dr Strass si. In Ketchikan heimr dank em Captain a Land chönne, mir si e Tag dert festghocket u är het dänkt d’Passagiere u d’Crew wär happy wemr no chli a Land chönnte u nid nume ufem Schiff im Hafe umehänge. Abr i mues säge Ketchikan isch nüt würklech bsundrigs. Chlises städtli mit viu verlotterete Hüser. Abr ds geile isch gsi ds ds ässe isch gratis gsi so lang mer dert im Hafe si gläge, sozäge aus Kompensation. Hüt isch Midwuch u mir wärde morn morge am 6i in Whittier alege u üse wäge übr Anchorage i richtig Denali National Park mache.

P.S. mir hei üses Outo „Timmy“ touft =)

Was ou immer

Hey

sorry i ha ir letschte zit gmerkt dasi öppw nideso d'blogschribere bi... ha mi irgendwie nid chönne ufraffe um hie ine ds schribe...

so was gits nöis... i ha en job in Whistler imene Gift Shop... leidr wirdi nid di ganze urprünglech iplaneti zit schaffe sondern nume öpe 3 1/2 abr äs het ou sini guete site, i cha meh ga snowboarde =)

hie in Vancouver säubr hets nüt würklech viu interessanti nöigkeite... ds wätter macht em spitzname "Raincouver" aui ehr... äs rägnet meh odr weniger minimum einisch am tag...

Letscht wuche bini am Dropkick Murphys konzärt gsi u i has gschafft bim Lied "Kiss me, I'm shitfaced" uf d'bühni ds ga. Bi däm lied hole si immer ä huufe froue uf d'bühni u i has ds erscht mau gschafft früeh gnue vorne ds si (i bi eh scho ir zwöite reihe gstande). Ha es mega fröidi dranne gha =)

Närne hani ir letschte Zit ou no grad äs NHL u äs CFL spiu chönne ga luege.
D'Canucks ds luege isch mega hammer gsi, ändlech mau widr chli Hockey u de no grad d'NHL u d'Canucks hei ou no grad 4:1 gäge d NY Rangers gwunne =) i gloub i mues mer de irgendeinisch no es Libli vo dene zueche tue...
Hingäge ds Football spiu isch grauehaft längwilig gsi (Sorry Pädu) abr mir si dert würklech fasch ipennet wils eich mau überhoupt nid interessant isch gsi... guet d'BC Lions hei ou 45:13 verlore u si si eis vo de schlächtiste Teams...

Vor au däm heir no Halloween gha.. die spinne hie im fau mit däm... vor Dekoration här öpe so verbreitet wie Wiehnachte... überau hesch nume no Halloween gseh... Abr äs isch no luschtig gsi mit au dene verchleidete Lüt, het ächli öpis vor Fasnacht gha....

So schüsch weisi grad numme ds verzeue
Wünsche aune wo dr Blog läse e schöne

Ds Neuste

So i ha mau widr zit u luscht gfunde zum hie ineschribe =)

Aso was isch sitem letschte mau gange?
Am midwuch isch im Ceili's geng ds bier für nume 1 dollar u di haubi schu isch dert adsträffe. Die wuche bini jetzte ds zwöite mau dert gsi u das mau hani gwüsst das ds zimli schlächts bier isch u ha nid so viu drunke abr äs het glich hert gha ds ufstah. Ohni d' Ale wäri äuä di erst lektion nid ir schu gsi ;-) D'Ale isch sit 2 wuche mini mitbewohnere, aso simer zur Zit so 7 lüt i däm chline huus, u dr räscht vor familiy chunnt hüüfig ds bsuech, aso äs isch meistens öpis los u e huufe lü im huus ;-)

Letscht Samsti hani no ar Meli ghuefe ihri familiy ds wächsle. Si isch jetzte ou binere Philippinische Family. Wie äuä 70 % vo de studänte, da chasch itze fasch jedä frage vo wo das sini gastfamily chunnt u du bechunnsch d'antwort Philippine....

Am Sunnti heimer versuecht schöni boots ds choufe für i usgang u si derfür nach Metrotown gange, dasch eini vo de grosse malls hie ir gägend. Leidr bini nid erfolgrich gsi u ha aber derfür es schöns warms jäggli gfunde (ja mami i weis dasi i mim gepäck kei platz für so öpis ha ;-)) abr es isch mega schön...

Uf jedäfau hani ir schu no mi D-Block gwächslet vo City Talk zu Idiomatic English... äs isch ungloublech wie viu idioms die i dere sprach hei.... U friti isch irgendwie immer chli en komische tag, äs geit fasch geng öper vo dir klass odr öper wo de schüsch kennsch...

Aso i weis ja nid wie das ds wätter bi euch ir schwiz isch abr hie isches sit praktisch 2 wuche mega sunnig u warm =) Am midwuch simer am Kitslano Beach gsi u da bini sogar i Ozean ga bade, wird äuä ds letschte mau gsi si bis nächst summer =) temperatur isch öpe so gsi wie ir aare abr äs si nid viu lüt dinne gsi ;-)

Am sunnti göi mer ga Wahle Watching mache, fröie mi scho mega, i hoffe mir gseh de ou es paar =)

Ah ja berfor is vergisse, die Vancouverianer spinne im fau uf schlange stah ;-) zum bispil bim ufe bus warte, äs git immer en schlange wil aui bin chauffeur ine müesse um ds bilie ds zeige, i gloub ir schwiz würds da eifach äs mega chaos ha...

U i gloub i verlüre würk no mis schwizerdütsch, ha mir itze 2-3 mau verwütscht wini änglischi wörter anstatt schwizer brucht ha *grins* so ala "i däm hus würdi gärn no läbe dasch mega schön odr maybe i däm dernäbe" Hallo was geit i mim chopf vor?

So i mache mi itze mau parat füe usgang u la nech widr la schaffe, surfe, musig lose odr was dr ou immer grad am mache sit =) See ya

Äs isch viu los hie in Vancouver

Hey Hey Hey
i ha mau widr zit gfunde um das hie ds aktualisiere =)
aso was ischh ir letschte zit passiert, u huere vil zügs ha chum e frei i minute gha ;-)

aso am donnsti simer när zu däm Lynn Canyon gange dert hets en Suspension Bridge isch mega cool gsi ou wens chli e seeeehr längi schustund isch gsi...

Am Friti bini zerscht mau chli i usgang, d'Subi (ä kollegin vor schu) het geburi gha u de het si i ihrem students house ä chlini party gmacht. Äs het äs Korean Barbeque gä, dasch vorauem scheinefleisch i salatblätter igwicklet u si hei ä spezielle name für das woni abr leidr scho widr vergässe ha. Äs isch luschtig gsi so viu nöi lüt kenne ds lehre. U woni vo dert bi hei cho isch i üsem vorgarte no es stinktier umegschliche...

Am Samsti si d'Kim, ds Meli u i, i Queen Elizabeth Park, dasch en mega schöne Ort mit huere viu Blueme, i ha viu Fotos gmacht ;-) am abe simer no ufe Harbour Centre Lookout um dr sunneundergang ds luege, leidr hets so blödi hochhüser im wäg gha so das mers nid ganz gseh hei abrhet glich schöni fotos gä...

Und jetzte für alli wo mi für unsportlech haute: Am Sunnti simer ufe Grouse Mountain ufeklätteret. Ja dir läset richtig, klätteret, dä wäg isch zwar mit Hiking agschribe gsi abr wes ä ganze verdammte bärg lang nume praktisch sänkrächt ufe geit säg i däm nümme wandere!!!
Eh ja, d'Nathalie u i heis i öpe 2e haub stund mit viu pousene dinne gschafft u di andere zwöi si chli schnäuer gsi...

D'Date vo däm Trail:

Length: 2.9 kilometres (1.8 miles)
Elevation Gain: 853 metres (2,800 feet)
- Base: 274 metres above sea level (900 feet)
- Summit: 1,127 metres (3,700 feet)
- Total Stairs: 2,830


Gestr bini im Roxys gsi wil mir e Rockstar aus Teacher hei ;-)
u är het gestr en uftritt dert gha, isch überraschend guet gsi, hät nid dänkt dases so guet wird abr äs isch super gsi. Mir gfauts im Roxys mega, i dänke dert bini garantiert nid ds letschte mau gsi. Was e chli schad isch gsi das gestr Mänti u nid Friti isch gsi, ds ufstah hüt morge isch zimli schwär gfalle ;-) mir hei zimli d'party dert gha, äs si u mega viu lüt vor schu dert gsi...

So dasch mis aktuelle läbe hie ir wunderschöne City Vancouver, i hoffe dir chömet drus bi mim länge bricht ;-) Fotos findet dr uf Facebook

Erst schutag

So mir hei gestr dr erst schutag gha. Mir si dr ganz morge testet worde u am nami isch no orientation gsi.
Nach dr Orientation ir schu isch üses grüppli vo schwizer grad witers zur Orientation vo Internex, dert heimr eich so infos übr üsi arbeit becho u wo das mer üsi SIN-Nummere chöi ga hole. Die göimer itze nächst mänti ga hole.
Am mänti isch immer pub-night vo Internex us, abr da mer gestr ja zisti hei gha u dr bar bsitzer erst grad gwächslet het heisi problem gmacht wil mer es paar derbi gha hei wo no nid 19ni si u es paar ohni gültige Uswis. (Du muesch hie 19ni si u entwedr dr pass odr dr füehreruswis derbi ha um überhoupt imene pub odr so dörfe ds si... chli extrem...)
Eh ja schlussändlech simer de haut eifach id old spaghetti factory ga ässe, äs isch super gsi.

Hüt isch dr erst schutag gsi, i bi im upper intermediate, dasch ds momentan zwöithöchste level u i dänke äs passt mer dert. I ha drü vo mine 4 stunde mit dr gliche klass, di letschti stund chasch frei wähle was de für ne kurs wetsch mache. I ha jetzte City Talk gwählt, da göi mer jedä tag use u chli übr d'stadt ga lehre... abr hüt simer nume uf dr suechi nachemne starbucks wo gnue platz für 14 lüt het dür d'stadt gsecklet, aso nideso würklech schu ;-) abr morn göimer anschindend i lynn canyon.

aso ds wärs widr gsi, mau luege weni ds nächst mau derzue chume öpis ds schribe

Acho

So hie chunnt dr erscht Post us Vancover...

D'Reis isch eigentlech ganz guet gloffe ussert haut eifach di chline unannehmlechkeite wo so längi flüg haut mitsech bringe...

Nachdäm dr fahrer üs abgsetzt het, het mer mis gastmami d'Vida aues chli erklärt u nachdäm i mi igrichtet ha gha bini zimli gli ga penne, wil i zu däm zitpunkt öpe 25 stund u de bei bi gsi u im flugi hani nid chönne schlafe...

Hüt het mr d'Vida mitem outo chli d'stadt zeigt u mir si no grad churz uf North Vancouver übere, de simer ine Market öpis ga ässe u de isch dert vordranne no grad ds Party Pier gsi. Isch abr nideso heftig Party gsi, meh so chli äs festli mit verschiedene ständ u so. Abr isch glich luschtig gsi.

Närne bini de mau mit dr Meli ds Fuess ga Downtown ga entdecke. Vancouver isch en mega schöni Stadt, abr d' Starbucks chasch nid zeuä äs si so verdammt viu ;-)
Mir hei no gluegt für ne kanadischi SIM-Card abr si no nid derzue cho eini ds choufe...
De simer no ir Public Library gsi, shiit die isch risig, so öpe 5 odr 6 Stöck u eifach wow....

Da morn Labour Day isch u mer ersch am zisti id schu müesse, göi mer de öppe morn no chli meh vo Vancouver ga entdecke...

Nume no / Abschiedfestli

Äs si nume no 2 Täg u när flüge mir scho es Jahr uf Kanada. Äs chunnt mer geng no mega unwürklech vor. Abr äs isch tatsach das ds Meli u i am Samsti uf di 10ni üsi schöni Schwiz verlöh...

Letscht Samsti heimr üses Abschiedfestli gha u äs isch mega cool gsi. Het mi mega gfreut das so vil lüt si cho u mers no mau so guet hei chönne zäme ha. =)

I bi grad ifrig am Probepacke u luege wasi glich no sött da la u was unbedingt mit mues. Abr so wies itze usgseht wirdis schaffe keis übergwicht ds ha. Juhuu

Dr nächti Post wird de öpe us Kanada cho. Häbets guet u bis den ;-)